លោកវរសេនីយ៍ឯក យី វណ្ណដា អធិការនៃអធិការដ្ឋាននគរបាលក្រុងតាខ្មៅ បានសំណេះសំណាលជាមួយបងប្អូនកងកម្លាំងទាំងអស់នៃអធិការដ្ឋាននគរបាលក្រុងតាខ្មៅ (ដោយ វីស៊ីអេស)

http://vcstvonline.net /ដោយ វីរៈជន 17 ÷081785788/078785788/066785788

(ក្រុងតាខ្មៅ)÷នាព្រឹកថ្ងៃអង្គារ ១៤រោច ខែភទ្របទ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី០១ ខែតុលា ឆ្នាំ២០២៤ លោកវរសេនីយ៍ឯក យី វណ្ណដា អធិការ​នៃអធិការដ្ឋាននគរបាលក្រុងតាខ្មៅ បានអញ្ជើញ សំណេះសំណាលសួរសុខទុក្ខកងកម្លាំង ដែលកំពុងបម្រើការងារនៅអធិការដ្ឋាននគរបាលក្រុងតាខ្មៅ ដើម្បីសំដែងនូវការកោតសរសើរចំពោះពួកគាត់ ដែលបានខិតខំប្រឹងប្រែងបំពេញការងារ និងសម្រេចបាននូវ សមិទ្ធផលនានាជូនអង្គភាព។

ជាមួយគ្នានេះផងដែរ ​លោកអធិការក៏បានពាំនាំនូវការផ្តាំផ្ញើរសួរសុខទុក្ខពី លោកឧត្តមសេនីយ៍ទោ ឈឿន សុចិត្ត ស្នងការនៃស្នងការដ្ឋាននគរបាលខេត្តកណ្តាល ជូនដល់កងកម្លាំងទាំងអស់នៃអធិការដ្ឋាននគរបាលក្រុងតាខ្មៅ​។

លោក​អធិការក៏បានឧបត្ថម្ភនូវភេសជ្ជៈជូនដល់កងកម្លាំង​យើង និង ជូនពរដល់បងប្អូនកងកម្លាំងយើងទាំងអស់ ក៏ដូចជាបងប្អូនប្រជាពលរដ្ឋខ្មែរទូទាំង ប្រទេស សូមទទួលបាននូវសំណាងល្អ សុខសុវត្ថិភាពរាល់ពេលធ្វើដំណើរ និងជួបប្រទះនឹងពុទ្ធពរទាំង៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ និងសូមមានសេចក្តីសុខជាមួយក្រុមគ្រួសារ ហើយសង្ឃឹមថាមន្ត្រីទាំងអស់នឹងវិលត្រឡប់ពីថ្ងៃឈប់សម្រាកមកបំពេញការងារវិញប្រកបដោយស្មារតី និងអារម្មណ៍ជ្រះថ្លា ដើម្បីបម្រើផលប្រយោជន៍ប្រជាជនខ្មែរយើងបន្តទៀត៕