http://vcstvonline.net/ដោយ វីរៈជន17 #081785788~078785788~066785788
(រាជធានីភ្នំពេញ)÷ថ្ងៃទី ២៨- ២៩ ខែធ្នូឆ្នាំ ២០២៤ មានការប្រកួតកីឡាអុកចត្រង្គដ៏ធំមួយ រៀបចំដោយ ក្លឹបមរតកអុកខ្មែរ សហការដោយក្លឹបជំនោរលាភច្បារអំពៅ 369 គាំទ្របច្ចេកទេសដោយសហព័ន្ធកីឡាអុកចត្រង្គកម្ពុជា ក្នុងរយៈពេល 2 ថ្ងៃ កីឡាករបានមកចូលរួមប្រកួត មានចំនួន 32 រូប ដែលសុទ្ធតែ ជាកីឡាករលំដាប់កំពូល (បែបសេរី A) ប្រចាំនៅប្រទេសកម្ពុជា បានអញ្ជើញមកពីបណ្ដាក្លឹបអុកចត្រង្គ ទូទាំងរាជធានីនិងខេត្ត ដើម្បីចូលរួមប្រកួតលើកស្ទួយលើវិស័យកីឡាអុកចត្រង្គកម្ពុជា។ ជាចុងបញ្ចប់នៃការប្រកួត បានរកឃើញអំពីលទ្ធផល ជើងឯកជ័យលាភីកំពូលអ្នកលេងអុកចត្រង្គផ្នែកគំនិតប្រចាំប្រទេស លេខ( ១) បានទៅលើកីឡាករ សុខ លឹមហេង មកពីក្លឹបសេះខៀវ លេខ (២) បានទៅលើកីឡាករ ហេង សៅឌី មកពីក្លឹបរាជសីហ៍ លេខ (៣) បានទៅលើកីឡាករ ជា ស៊ីដេត មកពីក្លឹបអង្គរ និងលេខ (៤) បានទៅលើកីឡាករ ឈាវ បូរ៉ា មកពីក្លឹបសេះខៀវ ការរៀបចំការប្រកួតកីឡាអុកចត្រង្គនេះ ធ្វើឡើងក្នុងគោលបំណងថែរក្សា រួមគ្នាអភិរក្សកេរ្តិ៍តំណែលដូនតារបស់យើងដែលបានបន្សល់ទុកតាំងពីយូលុងណាស់មកហើយ រួមគ្នាបំផុសបំផុលការលេងកីឡាផ្នែកគំនិតក្នុងស្រទាប់មហាជន និងបង្កើនទំនាក់ទំនងចំណងមិត្តភាពអ្នកគាំទ្រវិស័យកីឡាអុកចត្រង្គ។
+អស់រយៈពេល 2 ថ្ងៃ នៃការប្រកួតអុកចត្រង្គ ដើម្បីអបអរសាទរទិវាចូលឆ្នាំសកល 2024ចូល2025 ដែលស្ថិតនៅភោជនីយដ្ឋានជំនោរលាភ 369 ក្នុងភូមិព្រែកតាពៅ សង្កាត់ព្រែកប្រា ខណ្ឌច្បារអំពៅ រាជធានីភ្នំពេញ ប្រព្រឹត្តទៅក្នុងបរិយាកាសសប្បាយរីករាយក្រៃលែង និងសូមសរសើរទៅដល់លោកគ្រូ កែវ វីរៈ ដែលជាស្ថាបនិកក្លឹបជំនោរលាភច្បារអំពៅ 369 តែងតែសហការជាមួយនឹងក្លឹបនានាតាមបណ្ដាខេត្តនិងរាជធានី ហើយមានការគាំទ្របច្ចេកទេសដោយសហព័ន្ធកីឡាអុកចត្រង្គកម្ពុជានិងបានជំនួយពីសប្បុរសជននានាៗ បង្កើតកម្មវិធីប្រកួតអុកនេះដោយរលូន។
+មិនត្រឹមតែប៉ុណ្ណោះ លោកគ្រូ កែវ វីរៈ ស្ថាបនិកក្លឹបជំនោរលាភច្បារអំពៅ 369 បានបើកថ្នាក់បង្រៀនអុកចត្រង្គ ដោយឥតគិតថ្លៃ វគ្គសិក្សា÷ចន្ទ-សុក្រនិងសៅរ៍-អាទិត្យ ទីតាំងភោជនីយដ្ឋានជំនោរលាភ 369 បង្រៀនដោយគ្រូមានបទពិសោធន៍យូរឆ្នាំក្នុងវិស័យអុកចត្រង្គ បានឱកាសចូលរួមការប្រកួតនានា និងមានឱកាសក្លាយជាកីឡាករជម្រើសក្លឹបនិងជម្រើសជាតិ។
សូមទំនាក់ទំនងព័ត៌មានលម្អិត÷016 709 900/ 078 359 272
